ПОВИК ЗА АНГАЖМАН

НА МОДЕРАТОР/КА НА ДИСКУСИЈА

ВО ФОКУС ГРУПА СО МАРГИНАЛИЗИРАНИ ЖЕНИ

 

Здравствениот систем во Северна Македонија со години се соочува со сериозни предизвици поврзани со коруптивни практики, кои го намалуваат квалитетот и достапноста на здравствените услуги. Истражувањата укажуваат дека граѓаните, а особено жените од маргинализираните заедници, често се изложени на директни или индиректни барања за неформални плаќања, непотизам и дискриминација при пристапот до здравствена заштита. Овие појави не само што ја поткопуваат довербата во институциите, туку создаваат дополнителни бариери за еднаков пристап до основното човеково право – здравје.

Корупцијата во здравството има и изразена родова димензија. Жените, особено оние кои живеат во сиромаштија, во рурални средини или кои припаѓаат на ромската заедница, се соочуваат со двојна нерамноправност: од една страна поради нивниот економски и социјален статус, а од друга поради родовите стереотипи и дискриминаторските практики во институциите. Непостоењето ефикасни и доверливи механизми за пријавување дополнително ја засилува нивната ранливост и создава чувство на беспомошност.

Постоечките механизми за пријавување корупција се недоволно функционални, со ограничена транспарентност и слаб капацитет за постапување. Институциите ретко обезбедуваат јасни информации и поддршка за граѓаните, а здравствените работници немаат соодветна обука за етичко постапување и справување со случаи на корупција. Истовремено, јавната дебата за оваа тема останува ограничена, а медиумите често известуваат на начин кој не ги препознава родовите аспекти и штетните последици за ранливите групи.

Проектот „Посилен систем за поправедна здравствена заштита: Намалување на корупцијата“ е дизајниран да одговори токму на овие проблеми. Тој има за цел да ја зголеми отчетноста и транспарентноста во здравствениот систем преку зајакнување на жените и граѓаните да пријавуваат корупција, јакнење на капацитетите на здравствените работници за препознавање и превенција на коруптивни практики и зајакнување на институционалните механизми за постапување. Преку едукативни активности, јавни кампањи и застапувачки иницијативи, проектот ќе придонесе кон создавање систем во кој граѓаните ќе имаат доверба дека нивниот глас е слушнат, а нивните права се заштитени. Проектот е поддржан од Француската Развојна Агенција - Expertise France.

 

1.1.         Ангажман и работни задачи

 

Модераторот/ката ќе биде ангажиран/а за модерирање на дискусија во една фокус група со маргинализирани жени од Полошкиот регион (Ромки, жени од рурални средини, бремени жени и жени со ниски приходи), врз основа на веќе подготвено сценарио.

Модераторот/ката ќе учествува на онлајн обука (инструктажа) за модерирање на дискусијата

 

 

1.2. Очекувани резултати

·        Транскрипт од дискусијата

·        Извештај со препораки и заклучоци од дискусијата

 

1.3 . Квалификации

·        Завршено високо образование во областа на општествени науки (социологија, психологија, комуникологија, политички науки, родови студии или сродни области);

·        Минимум 2 години релевантно искуство во модерирање или фасилитирање на фокус групи, работилници или јавни дискусии;

·        Познавање на теми поврзани со родова еднаквост, човекови права и социјална инклузија;

·        Искуство во работа со маргинализирани групи (особено жени, Ромки, лица со ниски приходи, жители на рурални средини и слично);

·        Добри комуникациски и организациски вештини;

·        Посакувано е познавање на локалниот контекст и можност за водење дискусија на македонски, албански и/или ромски јазик.

 

1.4. Времетраење

Ангажманот и работните задачи е предвидено да завршат до 31.10.2025.

 

1.5. Потребна документација за аплицирање

·        Кратка биографија (CV) со нагласено релевантно искуство;

·        Мотивациско писмо во кое кандидатот/ката го објаснува својот интерес и пристап кон модерирање на фокус група со маргинализирани жени;

·        Пример од претходна работа (доколку постои, извештај или референца од сличен ангажман);

·        Контакт информации од најмалку едно лице за препорака;

·        Изјава за достапност во наведениот период (до 31.10.2025).

 

 

1.6. Критериуми за селекција

·        Релевантност на образованието и професионалното искуство (40%);

·        Искуство во работа со маргинализирани заедници и чувствителност кон родови прашања (30%);

·        Квалитет на мотивациското писмо и усогласеност со целите на проектот (20%);

·        Локално познавање и комуникациски вештини (10%).

 

1.7. Начин и рок за аплицирање

Потребната документација да се достави по електронска пошта на адресата info@forumi.org.mk, со назнака: Повик за ангажман на модератор/ка на дискусија во фокус група со маргинализирани жени.

Краен рок за доставување на документите е 16 октомври 2025 година до 11 часот.